توا مدة و انا نتبع في حكايات البلوغسفير، نقرا بي السكات من غير ما نعلق ولا نعطي رأيي
ما زلت ما نيش فاهم اشنية هال حكاية
شويا شايخ و عامل كيف و شوية شاكك و ما نيش مصدق
ناس تحكي على رواحها شايخين و تتناقش و تتكلم و تفدلك و تتمقعر و تنتقد زادة
يا بابا، مالا خوضا هاذي ماحلاهة
أون بلوس, بحذايى الشاي هذا الكل و أنا ما زلت نقرا في جرائد فرنسا و أخبار الجزيرة و هاك المواقع المقصوصٍن الكل ثماش ما نفهم اش صاير في الدنيا
ايا قلت نعمل حتى أنا -كونت- نستعملو -جوست- باش نعطي رأي و لا نقول كليما كي يظهرلي. و من بعد بي الشوية بي الشوية وليت نقول: تي بركة ايا نحل بلوغ حتى انا، و اش بيه و علاش لا، ما فيها باس و علاش ما نحلش حويجة حتى أنا كيفهم الكل
أيا توا كي كتب و حليت هال المشروع، بلوغ جديد نبرا يلق لقان، قعدتلي مشكلة وحدة: اش باش نحكي توا؟؟؟؟؟
و بديت عاد نخوض وحدي و نلوم في روحي: اش لزك توا تعمل هال عملة؟ و اش تستخايل روحك حالل بلوغ و تحكي في حكايات فارغة؟ ناقصة هيا البلوغسفير ناس كيفي؟ ماهو قعدت رايض على روحك عندك -كونت- يزي فيه البركة؟
توا ماريتش هاك السيد تبارك الله عليه كيفاش يحكي مليح بالعربية و بالسوري زادة؟ و لاخر كيفاش شاربها الفلسفة و التاريخ و الجغرافيا؟ و هاذاكا قداشو ضامر و متثقف؟ بربي اش جاي تعمل و اش تحب تزيد؟
و بعد ما قعدت إنهز و ننفض أيامات، قلت برى باركا، نكون راجل و ما نوخرش
أهوكة ساعة ساعة تو نكتب حويجة
ما زلت ما نيش فاهم اشنية هال حكاية
شويا شايخ و عامل كيف و شوية شاكك و ما نيش مصدق
ناس تحكي على رواحها شايخين و تتناقش و تتكلم و تفدلك و تتمقعر و تنتقد زادة
يا بابا، مالا خوضا هاذي ماحلاهة
أون بلوس, بحذايى الشاي هذا الكل و أنا ما زلت نقرا في جرائد فرنسا و أخبار الجزيرة و هاك المواقع المقصوصٍن الكل ثماش ما نفهم اش صاير في الدنيا
ايا قلت نعمل حتى أنا -كونت- نستعملو -جوست- باش نعطي رأي و لا نقول كليما كي يظهرلي. و من بعد بي الشوية بي الشوية وليت نقول: تي بركة ايا نحل بلوغ حتى انا، و اش بيه و علاش لا، ما فيها باس و علاش ما نحلش حويجة حتى أنا كيفهم الكل
أيا توا كي كتب و حليت هال المشروع، بلوغ جديد نبرا يلق لقان، قعدتلي مشكلة وحدة: اش باش نحكي توا؟؟؟؟؟
و بديت عاد نخوض وحدي و نلوم في روحي: اش لزك توا تعمل هال عملة؟ و اش تستخايل روحك حالل بلوغ و تحكي في حكايات فارغة؟ ناقصة هيا البلوغسفير ناس كيفي؟ ماهو قعدت رايض على روحك عندك -كونت- يزي فيه البركة؟
توا ماريتش هاك السيد تبارك الله عليه كيفاش يحكي مليح بالعربية و بالسوري زادة؟ و لاخر كيفاش شاربها الفلسفة و التاريخ و الجغرافيا؟ و هاذاكا قداشو ضامر و متثقف؟ بربي اش جاي تعمل و اش تحب تزيد؟
و بعد ما قعدت إنهز و ننفض أيامات، قلت برى باركا، نكون راجل و ما نوخرش
أهوكة ساعة ساعة تو نكتب حويجة
