web 2.0

jeudi 3 septembre 2009

الهادي الجويني


الفنان الرائع الهادي الجويني...اسمو الحقاني محمد هادي بن عبد السلام بن أحمد بن حسين، تولد بباب الجديد عام 1909 وتوفي عام 1990

هو من أهم المبدعين الي ساهموا في تطوير الأغنية التونسية بألحانو وغناياتو وكان معروف بعزفو على العود... بدا متأثر بمدرسة القصبجي وفي غنايتو بمدرسة محمد عبد الوهاب القديمة.

كانت غناياتو تقرب إلي يسمعها وتخليه يتعايش معاها بما فيها من خفة روح وبساطة ...وكان فيها ديما بحث موسيقي وتجديد و كثافة طربية وتفاعل مع موسيقى العالم ..آش خلاها تنتشر وتتغنى في برشا بقايع في العالم

من جملةالأغاني إلي ألفها و / أو لحنها

تحت الياسمينه في الليل
خلخال بو رطلين
لو كان موش الصبر يطفي ناري
كي بغيت تطير يا حمامه
اللّي تعدّى وفات
يا كاسي وينهم جلاّسي
حبّي يتبدّل يتجدد
اصبر يا قلبي المسكين
عليك نغنّي
لاموني إلّي غاروا منّي
مكتوي يا مكتوب
سمراء يا سمراء

اخترت غناية تعجبني


مفتون بخزرة عينيها


كلمات جلال الدين النقاش
ألحان وغناء الهادي الجويني

tilidom.com


مفتون بخزرة عيــنــــيها ......والشـــــــفرة اللي بيها تسحر

ماأحلا الود على خـــدّيها ......يا وخيّــــــــــــاني ربّي يستر

***

يا ســـتّار يا جبـــــــــــار ......محــلا تذبيلــــــــــت شفرتها

والعيــــــــنين تكــوي نار...... متــــــحوفة ومحلا ضحكتها

أنا مــــــــنها عقــلي طار...... يا وخيّــــــــــاني ربي يستر

***

خفت انبوح ليــها بــسرّي...... تهرب وتتــــــــــــخبى عليا

نولي حاير ويصعب أمري...... والأمــل يضـــــــــيع عليّا

هي حياتي هي عمــــري...... ياوخيّــــــــــاني ربي يســتر

***

من هواها مريــــض فاني...... جسمـــــــي النار تشعل فيه

حالة خطيرة الحب خلاني...... ماعرفتــــــش باش انداويه

دايا مالحـــــب اللي بلاني...... ياوخيــــــــــاني ربي يستر

6 commentaires:

Anonyme a dit…

اختياراتك ديما قوية....ياوخياني ربي يستر
علاه زعمة ما تلقاش كلمات لفنانة مفتونة بخزرة عينيه على سبيل التغيير
يعطيك الصحة دوفيتش نورتنا

Dovitch a dit…

ينورها عليك ...عيشك

Anonyme a dit…

لكن من بعد ما قريت السبعطاش صفحة اللي بعثهملي ، و طلب مني ننشرهم
و زيد معاهم القصيده الرايعة اللي كتبها بالفرنسوية
و اللي استوحاها من بعض الاجواء الاخيرة للبلوغسفير
و خاصة دقّتو في المتابعه و طرافة تعاليقو و رقيّ اسلوبو التوبيخي
للّي يرى هو اللي هوما يستاهلو التوبيخ
تأكّدت من انّو فمّه قرّاء جيّدين و ما يفوتهم شي
كيما النموذج المحترم هاذا
الحاصيلو انا لقيت متعه كبيرة في قراءة هالوريقات
موش فقط لانّو هو معجب بالعديد من المدونين اللي انا من بينهم
و الا لانّو عطى موقف فنّي و عميق ياسر من مهزلة البيدوفيلي الاخيرة

Anonyme a dit…

baaaaaaaaaaaaaaaaaaaaaaaaaaaaaaaa3baaaaaaaaaaaaaaaaaaaaa3

Unknown a dit…
Ce commentaire a été supprimé par l'auteur.
Unknown a dit…

ليت الزمان يعود ،و تطرب الآذان باعز الالحان

Enregistrer un commentaire