web 2.0

jeudi 26 février 2009

في قرية السنافر




كان يا مكان
في حديث العصر والزمان
قرية افتراضية دايرا بيها البحار ومليانة بالأنهار والوديان
الشمس فيها ديمة زارقة والعصافير ديمة تزقزق

يعيشوا فيها مدونين بسلام وأمان
ولم يذكر التاريخ حدوث لا جرم ولا عدوان



المدونين جايين من جميع الأقطاب ومن مختلف الاتجاهات
فيهم من اليمين ومن هو من اليسار
ومن من أهل الدين و الفضل و من أهل النبيذ والخمر



ساعة ساعة تلحم بيناتهم وتاكل بعضها
لكن كلهم حبيبا
ت والأمور فيسع ترجع إلى مجراها



ساعة ساعة يغطسو يحكيو في حكايات فارغة وماهياش مهمة
أما تلقاهم رايضين عاملين كيف


ساعة ساعة يدخلو في نقاشات ويجبدو مواضيع توزن طورناطة



و في يوم من الأيام دخل القرية
أحمق الخلق شديد الغباء
طاغية الزمن قليل الحياء
فحجب وصادر و منع حرية الفكر والإبداع
و جعل من نفسه سيداً للبطش و الطغيان

فكانت القطرة التي أفاضت كأس الحياة






تغششو المدونين و إستنكرو و تجمعو قدام مدونة واحد منهم

كانك من الشباب وعلى لسان المدون شاطر قالو


لولاد معادش ينفع فيها كان الحرقة
سيبوني نتصرف في فلوكة وفجاري انشالله نقصدو ربي للطليان




المدون مفكر
إن فلسفة الهجرة هي الرائجة اليوم ، واعتبار شدّ الرحال إلى الخارج هدفاً جديدا يتبارى في الحديث عنه كل الناس في كل الأوقات وتحت أي ظروف
الهجرة يا مدون شاطر هي سنّة كونية حتى الحيوانات إذا رأت نفسها في الخوف أو ضغط الظروف فإنها تهاجر لاستمرار حياتها
والمهاجر تتفتح له آفاق كثيرة ويرى ويتعلم أموراً كان يجهلها ، ويحصل على مغانم كثيرة

أما برى يا ولدي سا.فا.با نعطي روحي للموت في جرت حرقة للطليان
أنا بش انهج لكندا و... بالطيارة
احنا الأدمغة ما نلقاو قدرنا كان عند الڨوِّرَة



المدون فنان وهو يتنهد
هنا ...الناس جهلت فني و نكرت عشرتي... باش نمشي لباريس غادي يفهمولها





المدون شجاع
هذي أرض أجدادي و احبابي
مانيش متحرك من القرية متاعي سوف أدافع عنها بكل استماتة وانا على يقين بالنصر


المدون شاعر: يقول أبو القاسم الشابي
إذَا مَا طَمَحْـتُ إلِـى غَـايَةٍ رَكِبْتُ الْمُنَى وَنَسِيتُ الحَذَر

وَلَمْ أَتَجَنَّبْ وُعُـورَ الشِّعَـابِ وَلا كُبَّـةَ اللَّهَـبِ المُسْتَعِـر

وَمَنْ لا يُحِبّ صُعُودَ الجِبَـالِ يَعِشْ أَبَدَ الدَّهْرِ بَيْنَ الحُفَـر





المدون غضبان



أنا أكره الحفر
أنا أكره التفكير
أنا أكره الحلول
أنا أكره اليمين
أنا أكره اليسار
أنا أكره الضحك


المدون القزوردي
أنا لا أوافقكم
فقد تبين أن قريتنا تعيش أجواء من الفرح العارم والتفاؤل بمستقبل مشرق ومزدهر في ظل القيادة الرائدة والحكيمة لبابا مدون



المدون الديني
سوف اطلب من الله عز وجل أن ينصرنا على العدوان و على القوم الظالمين
اللهم بسطوة جبروت قهرك , وبسرعة اغاثة نصرك , وبغيرتك لانتهاك حرماتك , وبحمايتك لمن احتمى بآياتك نسالك يا الله يا الله يا الله يا سميع يا قريب يا مجيب يا سريع يا منتقم يا جبار ....يا




المدون اللا ديني
يزيتشي بلا ريق ... كان احنا في الوضع هذا اليوم را
هو الكلو من ثقافة الإستبداد المستمدة من الدين متاعك



بما أن الحكايات في عالم الخرافات ما تنتهي كان بالشيخات

فقد أسرع الحكيم بابا مدون لإيجاد الحلول
وأبرز خليطا كيميائيا يعتني بحفض سره
يؤدي إلى الشعور باللذة والفرح والمرح

فما كان من سكان القرية إلا أن عادو الى مدوناتهم فرحين مسرورين

23 commentaires:

عاشور الناجي a dit…

شكرا للإبتسامة الصباحية الصادقة
:))
و لجهدك و ابداعك

Ghoul a dit…

très drôle.... bravo !

Hamadi a dit…

سنفرو بمدوناتكم عمارشبيل جاي.( آسف لو حصل تشابه في الأسماء)
ضحكة ممتعة و ذكية. شكرا.

Anonyme a dit…

mdrrrrrrrrrrrrrrrrr
Premier passage pour ton blog
jebdouni sanafer, andi faible pour eux
7lowa 9aryet essanefer

Dovitch a dit…

عاشور و غول
شكرا لتشجيعكم

kmaira et Hamadi
شكرا لمروركم، مرحبا بكم

عياش مالمرسى a dit…

ça y est Dovitch tu tiens un style là :)) vraiment drôle continue!

Anonyme a dit…

ههههههه.. شكرا على ها الضحكة و على القرية الغالية

تلخيصك في الصميم
و الله مسرحية هزلية
تستاهل استعراض سنمائي
هههه

chanfara a dit…

هههه

شكرا دوفيتش

فرهدتلي على قلبي

أمّا عندي سؤال ويني سنفورة؟؟

من غيرها هي ما تحلاش الحياة في قرية السنافر

;-)

Dovitch a dit…

@3ayech et Kheldouna
Merci beaucoup :)

@Chanfra
إيه عندك حق
بما انو في قرية التدوين ثما برشة سنفورات هههه جمع سنفورة
ترددت شوية على الأول باش إندخلها فالحكاية هي و بابا سنفور
وفي الاخير نسيتها
يا والله عملة هههه

Anonyme a dit…

باهى باهى ههههههه سوف انتقم منك ولو كان هذا اخر عمل في حياتى ههههههههه هرهووووووور يا هرهووووور
.....ضحكتنى تعرف :)) يعطك الصحّة

Dovitch a dit…

عيشك ارابيكا
تتفكر اسمو هرهور زادة ... أيا باهي موش كان أنا قعدت متأثر بذكريات السنافر
:)))

WALLADA a dit…

ويني المدوّنة سنفورة ؟

شفت كيفاش نسيتني ؟

Clandestino a dit…

bravo dovich :))
اما ولادة عندها حق
قرية السنافر متاعك فيها كان الذكورة ؟؟؟

هذا وحدو جدير انو الواحد يحرق بسببه من قرية السنافر

samsoum a dit…

:)) Un plaisir a lire. Tres drole. merci

لاعب النرد a dit…

Dovitchيعطيك الصحة يا
سنفرتلنا الجو...(;

Dovitch a dit…

ولادة كلاندو
:))
السنفورة قعدت متغيبة بارزة صحيح
إنخمم في تدارك الموقف
بالكشي في تدوينة أخرى

سمسوم
مرحبا بيك

لاعب النرد
عيشك ...وانا قعدت نتسائل زعمة حكاية سنافر باش يقراها حد
أشكرك على تشجيعك المتواصل

Anonyme a dit…

F A N T A S T I Q U E !






(Ne le dis à personne, J'adoooooooooooooooooooooooooore Assanafer :p )

Anonyme a dit…

j'en rajoute une couche :)
hakka tawwa? tansa Sanfoura?
rahou wara2a kolli Sanfour mousanfir Sanfoura!
rabbi yahdik.

tout ça pour te remercier de cette retombée (matinale) en enfance. Ça fait une heure que je regarde السنافر et ساسوكي!!!

Dovitch a dit…

باندي
سرك في بئر...هههه

Nomade
توا هكا يا نوماد، انتي زادة تلوم :))
واحل كيفاش إن سلكها

Merci pour le passage

Haykel AZAK a dit…

Excellent. Il manque el moudawen wasekh loool elli mrobbi dhebbena :D w moudawen radhben :D

Dovitch a dit…

المدون وسخ إلي مربي ذبانة نسيتو جملة
:)
أما المدون غضبان راهو موجود
شكرا على تعليقك

Anonyme a dit…

من غير غش ولا تنرفيز ولا كلام زايد ولا تبلبيز؟؟

تي حتّى اللي كان ناوي يعمل هذا يبطّل يا دوفيتش بعد ما يقراك

c'est magnifique ce que je viens de lire, de l'intelligence, de l'humour, une façon qui te laisse coller jusqu'au dernier mot ..que dire ..tout simplement magnifique :)

Bravo

Dovitch a dit…

عيشك افرست
يسرني تعليقك و مرورك

Enregistrer un commentaire