web 2.0

lundi 18 mai 2009

تساؤلات حول الثورة الرقمية


تناولت جريدة لابراس اليوم موضوع الثورة الرقمية و الثقافة الرقمية في تونس

شيفروات تقراهم يعملو الكيف
2.83مليون مستخدم للانترنت ، 8.59مليون مشترك لشبكات المحمول ، 6758موقع إلكتروني و...و...و...

الثورة الرقمية باهي... الثقافة الرقمية باهي ... لكن ماذا عن الثورة الثقافية؟
زعما موش حتى احنا في حاجة الى ثورة ثقافية كيف إلي عاشتها أوروبا مع ظهور الطباعة (رغم الاختلاف في السياق) أو حتى صحوة ثقافية كبرى شاملة؟

كي ظهرت الطباعة في أوروبا في القرن الخامس عشر ميلادي كان أغلبية الناس وقتها لا تقرا لا تكتب

الكتاب كان يتكتب (ينسخ) باليد وسومو كان غالي ما يقدر عليه كان أعيان البلاد
وأعيان البلاد في هاك الوقت كانوا أهل الدين والكنيسة هوما إلي يصولو ويجولو

كي ظهرت الطباعة، سهلت في إنتشار الكتب وإصدار الصحف والناس تغرمت بالقراءة والمطالعة و فهموا إلي دينهم موش كما قراوهولهم وفسرهولم باباصاتهم
فهموا انو ثما محاولات فلسفية تحكي على العقل وروايات تحكي على الحب و الغرام
فهموا انو ثما علوم إغريقية عربية فارسية ما علموش بها وانو ثمة لغات أخرى مستعملة في العالم

في سنوات، حطمت الطباعة كل أحلام الكنيسة للتحكم في المجتمع ولترويج اللغة اللاتينية وصنعت ثورة ثقافية كبيرة في أوروبا وفي العالم


واحنا في تونس موش لازمنا 'ترهويجة' ثقافية من هذا النوع... عنا -ديجا- الثورة الرقمية و الثقافة الرقمية ...شنوا كان تأثيرها على المجتمع؟

زعما هذه الثورة الرقمية قاعدة تساهم في صقل المواهب عند الأطفال
وتعميم حب المعرفة وتنمية حب الابتكارعند الشباب
ومحاربة الأفكارالرجعية الظلامية والتقاليد البالية

زعما قاعدة تساهم في الخلق والإبداع في الفن والادب
في تنمية قدرات التفكير الناقد و الإبداعي
في التصدي للغزوات الثقافية الظلامية
في التصدي لثقافة الخوف والحجب والقمع
في الإرتفاع بالمستوى الأخلاقي والثقافي في المجتمع
في تحسين مستوى الإعلام واحترام حرية التعبير

حقيقة برشا تساؤلات وبرشا إحباط وتشاؤم

6 commentaires:

Ghoul a dit…

أظن أن الثورة موجودة، لكن هي من نوع الثورات الصامتة

التغييرات قاعدة تصير، النتائج ماش نشوفوها بعد جيل أو جيلين، ولعلها تكون غير النتائج المنتظرة

Nomade a dit…

Avec les 3025 messages -certains appelant à la piété, d'autres traitant des voyantes et du jeu- que reçoivent les 2,83 millions d'utilisateurs d'internet et les 8,59 million d'abonnés à la téléphonie sans fil, chaque semaine, il y a de quoi être pessimiste. Surtout lorsque ces personnes transfèrent les messages à d'autres et deviennent, donc, les vecteurs des conneries qui circulent.

لاعب النرد a dit…

بقطع النظر على ثقتي في الارقام اللي تخرجها الجرايد التونسية... أنا مع
Ghoul
نتصور انه ثمة ثورة قاعدة تصير : بمعنى ثمة جملة من المراكمات و اللي باش توصل بالضرورة لتحول حقيقي (موش انقلاب)ـ
المجتمع قاعد يتبدل و أفكارنا قاعدة تتبدل بالشوية...ـ

Kassus a dit…

Salut :) je voudrais t'annoncer l'ouverture de notre site Tunisianet.com.tn.

Nous sommes spécialisés dans la vente en ligne de matériel informatique en Tunisie. Nous aimerions avoir l'avis de quelques blogueurs Tunisiens afin d'améliorer nos services.

Si tu veux, tu peux m'envoyer un message sur kais.turki ((at)) tunsianet.com.tn

Merci d'avance !

Dovitch a dit…

غول، نوماد، لاعب النرد
أهلا بكم وشكرا على تفاعلكم
موافق انو ثما تغيرات ثقافية قاعدة صايرة في البلاد، تخوفي هو فقط من اتجاه هذا التغيير.
كنت اتمنى لو كنا ماشين وبسرعة أكثر نحو نشر الثقافة الديمقراطية العلمانية في المجتمع

faty a dit…

Bonjour,
je suis la responsable vente de notre site SpaceNet.tn
SpaceNet spécialité en vente en ligne tous les matériels informatiques, électroménager, meubles, gaming, smatphone....
nous sommes à la recherche les avis des blogueurs pour améliorer nes imperfections et augmenter nos services et nos vente pour satisfaire tous chez clients
Merci de nous contacter par mail
carrefour.info@topnet.tn
ou sur notre page contact.tn

Enregistrer un commentaire