web 2.0

mardi 21 avril 2009

نلعب... حتى عصفور جنة


قاعد نتمحمح توا نهار كامل، ماذا بيا نلعب أما كي ما عيطلي حد وانا بطبيعتي عندي شوية كومبلاكس أيا قلت يلعن بو إلي فسدها اتو حتى أنا زادة نلعب بلاش إستدعاء


خمسة هدايا أتمنّى الحصول عليها:

1- رحلة إلى اليابان
2- رحلة إلى الصين
3- رحلة إلى تايلندا
4- رحلة إلى الهند
5- مكتبة معبية بالكتب


خمسة إجراءات أتّخدها لو كنت رئيس دولة:

1- فصل الدّين عن السياسة والدولة مع حصر إمكانية انتخاب الرئيس بمرتين متتالية فقط لمدة 5سنوات
2- تغيير النّظام التّعليمي والتربوي
3- تحقيق الاستقلالية للقضاة والسلطة القضائيه و تحقيق حرية الصحافة والإعلام
4- محاسبة كل المسؤولين السابقين والمقربين للمسؤلين إن أثبت تورطهم في قضايا التعسف في استعمال السلطة أو المحسوبية
5- التقليل من عدد قوات البوليس وتسهيل ادماجهم في مهن أخرى أنفع للمواطن التونسي



خمسة أشخاص أتمنّى ضربهم:
يمكن موش الضرب على خاطروا ما عندو ما يوصل... أما هاذم عباد ما نحملهمش

1- داعية ديني ينشر في أفكار رجعية ظلامية داعية للخرافة والدجل وتغييب العقل ومعاداة الحياة
2- بوليس ولا عون إدارة ياخو في رشوة
3- بنية ولا مرا تبيع في بدنها
4- صحافي يحكي في لغة خشبية و يهز في القفة
5- إنسان يسرق عرق ولا فلوس غيرو


خمسة أشخاص أتمنّى العيش معهم:

1- عائلتي
2- عائلة برقا : اميلكار، حنبعل، صدربعل وماغون لما قدموه من تضحيات من أجل قرطاج
3- ميشال أونفراي
4- نيتشه
5- كومندان كوستو لدراسة البحار والمحيطات والتوعية بالمحافظة على البيئة

خمسة أشياء أفعلها لو علمت أنّني سوف أموت غدا:

1- أقوم بتحضيرات الجنازة
2- نخلص كريدياتي كان نجمت
3- نعلم السبيطار و نعطيه الإذن باش غدوة ياخو اش يحب (و اش مازال يصلح) شيلا بيلا
4- نكتب تستامون كما يعملوا في الأفلام
5- أرفع كأسي للإحتفال برحيلي مع أحبابي وعائلتي

8 commentaires:

WALLADA a dit…

علاش تقول على روحك " كومبلاكسي " ؟ تي هاك ظهرت معلّم في الرّوح الرياضيّة العالية و ماخذ الحياة كيفما جاتك بكلّها بكلالها

برافو على الكمّ العالي من الصّدق و الوضوح مع نفسك

Dovitch a dit…

يعيشك يا ولادة :)
أما ما تنساش باش تختمها إنت اللعبة، نحب نشوفهم اشكون الخمسة إلي تحب تضربهم

Anonymous a dit…

عائلة برقا : اميلكار، حنبعل، صدربعل وماغون لما قدموه من تضحيات من أجل قرطاج
yaatihom essahha, khedmou carthage wel marsa w salambou w ken lzem halq el wed wel kram amma afsou fi bqeyyet ommali lebled....!!!!

AntikoR a dit…

يا دوفيتش... الخمسة الّي باش تضربهم راهم آلاف مؤلفة... راك تتعب

MeTaLLisTiC a dit…

عجبتني فازة التقليل من عدد البوليسية و التخلي عن سياسة بوليس لكل مواطن...

و زادة ختامها مسك برفع الكأس للإحتفال بالرحيل....
ظلت كؤوسنا مرفوعة و شامخة كل يوم موش كان نهار موتنا اكهو....

Dovitch a dit…

@Anonyme
شكرا على تعليقك...الأحداث كانت دامية صحيح و وفات بحرق قرطاج وتشريد الألاف أما كي نرجعوها في اطارها التاريخي والا إنقارنوها بوضعنا اليوم ما نجموش ننكرو أنها عائلة قامت بتضحيات كبيرة للدفاع على مصالح بلادهم

@AntikoR
يا خويا هذاكا علاش قلت الضرب ما عندو وين اوصل...خممت في روحي ألحق
:)

@MeTaLLisTiC
زبرت انها تونس :)
شكرا على مرورك

Anonymous a dit…

بريبي تصولروا معايا كان نجخ خنبعل في إحتلال روما...راهو ما فماش تقويم مسيحي في أروبا و العالم و راهي ما فماش إمبراطورية رومانية و تطور عسكري و علمي وراهم مسكرين إفامهم ولا هاجرو لأماريكا لا والو... رانا مرتاحين و أسياد الموقمف موش ناكلو في السطاكة وساكتين حاسيلو عائلة برقا يعطيهم الصحة أما كارهم كملوا...و كانك عل البوليسية خليهم بوليسية خيييييير خاطر كان يبطلوهم توا يولييو إلكلهم باندية(ماهم استانسو...)كانك على الصحافة بربي سيبهم أهاوكم ياكلوا في خبزة زعام يسبوا كان في هيفاء وهبي و هي تقدم في خدمات جليلة للشعوب بالطبيعة تي راهي تفرهد في الشعوب العربية الي كان ما جاتش تتفرهد راهي انتحرت والبلاد فرغت و على ذكر التفرهيد خويا هاني هازز معاك كاسي و بقلة ليها و سمعني عالجبين عصابة

Dovitch a dit…

هههه
عندك حق
هذاك علاش قررت باش ما نوليش رئيس دولة

Enregistrer un commentaire