web 2.0

mardi 1 septembre 2009

الشيخ العفريت


اسمو الحقاني إيسران إسرائيل روزيو، تولد عام 1897 في تونس

بوه سلام روزيو كان اصلو من المغرب، وأمه ستوري خلفون من ليبيا

مشى بوه للمغرب وخلاه صغير ولد 5 سنين مع امو وزوز بنات خواتو

كانت امو تصنع الحلويات باش تعيشهم وتغني في المناسبات بالأعراس ومنها تغرم بالغناء

كي كبر شوية دخل كي كل أصحابو يخدم في رحيان القهاوي ويقولو كان يغني وشادد الريتم مع دقات المهراس

كان صوتو قوي وحاد و كانت عندو قدرة كبيرة على الارتجال في الطبوع التونسية آش خلى صحابو يتربجو به العفريت



في العشرين من عمرو بدأ تجربتو الفنية وخذى لقب الشيخ

كان الشيخ العفريت يغني أغاني المزموم و برشا اغاني عاطفية شعبية حزينة باللهجة التونسية...وكانت برشا غناياتو فيها كلام زايد نسبيا حول العلاقات العاطفية والجنسية لكنو كلام كان مقبول إجتماعيا في هاكا الوقت وهذا آش خلى حفلاتو تلقى نجاحات كبيرة



توفى الشيخ العفريت في أريانة نهار 26 جويلية 1939 بعد ما خلى قرابة 500 أغنية منهم على سبيل المثال
ليام كيف الريح
كيف كنت صغيرة
قد ما عملت معاك
يا ناس هملت
آش بيك غضبانة
يا ربي حنيني
ياللي راجلها مغيار
قلقت ومليت
حسنة جارتي
مقواني
آنا مذا بيا
تعليلة لعروسة
تعليلة لمطهر
هزي حزامك


من أشهر أغانيه

ليام كيف الريح

tilidom.com


ليام كيف الريح في البريمة..... غربي و شرقي ما يدومش ديمة

صبرت قلبي للصبر ماباشي......نا صابرة والنـــــار لهبة جاشي

ياعين كوني صابرة عزّامة......الصبر كــــــــلمة والفرج قدّامه

الصبر ماكيــــفه دواء للّيعة...... كمــــيان سرّه خير من تطليعه


13 commentaires:

maxulaprates a dit…

momteeeeeeeeeeeeeez momteeeeeeeeeeeeeeez

Dovitch a dit…

شكرااااان...شكرااااان :)
مرحبا بيك

الحلاج الكافي a dit…

خلاصة مفيدة و خفيفة...يعني تتقرى بسهولة في رمضان

مفعوص زرداشتي a dit…

اكثر وحدة تعجبني هي قد ما عملت معاك ههههه

ART.ticuler a dit…

الله الله عليك يا دوفيتش على هذا الأختيار

ahmed a dit…

مع دقٌان المهراس
d'ou as tu ramené ça dovitch? le café etait deja torrefié et moulu à la machine meme chez "bondin" dans les années 30.
afrit n'etait pas un grand chanteur mais un chanteur populaire.pour preuve la tres mauvaise qualite de l'execution instrumentale de ses chansons.

Dovitch a dit…

الحلاج
مرحبا بيك ...بالظبط حبيتها تدوينة خفيفة على الشيخ العفريت
شكرا على مرورك

مفعوص وأرتيكولر
أهلا بكم...يسرني تجاوبكم

Dovitch a dit…

أحمد
مرحبا بيك...أولا في الجملة -يغني وشادد الريتم مع دقات المهراس- نحكي على الشيخ العفريت الطفل...يعني هنا الحكاية صايرة قبل 1910 (بما انو مولود عام 1897). وفي هاكا الوقت كانت القهوة تطحن يدويّا في مدقّّات (مهاريس) خشبية في دكاكين صغيرة.

ثانيا الحكاية متاع دقان القهوة كنت قريتها في فورومات متفرقة تحكي على الشيخ العفريت وبما أنها معلومة تقعد بالنسبة ليا زادة ماهياش ثابتة 100 في 100 ياخي زدتها كلمة ويقولو

شكرا على تعليقك

brastos a dit…

وحدك في هالاختيار

Dovitch a dit…

عيشك براسوتس

Anonyme a dit…

احنا نعرف اسمه الحقاني سيمون الهلالي

Unknown a dit…

bravo et merci :)

Dovitch a dit…

@Meriam
Un grand merci pour ton commentaire :)

Enregistrer un commentaire