رائع … هااييل
شيء كبير
Vraiment
شيء كبير
أجواء تعمل الكيف
ناس شايخة و فرحانة و زاهية
تجمعات و لمات
عياط و صياح
دعاء وابتهالات
غناء وإحتفالات
تصفيق وتبندير
تطبيل وتزغريد
و الجو و الجو و الجو
و الفرحة و الفرحة و الفرحة
شلغمي بطولو بطلطولو يهبط فيهم حيار بالفرحة
صغار و كبار باش يخرجوا من قشرتهم بالفرحة
حتى هو حدث تاريخي كبير...ما توقعو حد
موش ساهل زادة الواحد بعد 22 سنة ياخو قرار كيما هذا
و يزيد يعاود
و الضحك و الضحك و الضحك
الناس باش تبول في سراولها بالضحك
الناس شادة جنابها من كثرة الضحك
عمري ما كنت نتصور في تونس نجمو نظمو أجواء متاع فرح كيما هكا
الحق شيء خااارق للعادة
حتى من هاك القورة ماهم فاهمين شيء
قعدو باهتين كاشخين في عجب ربي
تي بربي يمشيوو يزمرو...موش ساهل إن ترجمولهم إلي صاير...
هذا جونا...متاعنا...دولابنا
نداءات مليئة بالإمتنان والفخر
مناشدات بتجديد عهد الولاء والوفاء
جمعيات...نقابات...صحافة...قاريين...حارقين...بطالة...مزمرين...لا باس عليهم...خوانجية...سوكارجية
مبصرين و مكفوفين
كلو على بعضو
كل شرائح المجتمع المدني تمارس في حرية التعبير
التعبير عن مشاعرهم الفياضة و النبيلة والجياشة والعفوية الصادقة
التعبير عن احاسيسهم الرقيقه و المرهفه
عن فخرهم و امتنانهم و ولائهم
حتى أنا ما فقتش بروحي
ما نجمتش نشد روحي
تطرشقت بالبكاء
كي شفت أجواء الفرحة العارمة
كل المشاعر المتدفقة القوية و النزيهة
مخ راسي حطيتو بالبكاء
موش عوايدي
وليت نخاف نحل التلفزة , و نتفرج على الجموع و الحشود الموالية....لا تجيني البكية
نخاف نخرج للشارع و نشوف اللافتات و الألوان القزوردية تشدني الشهقة و الغصة
نرعش من حلان الراديو لا نطرشق قدام العباد و تولي الدموع هابطة وحدها
ملا جو
ملا فرحة
ملا تونس
و أسدل الستار
و لم يتمالك الحاضرون أنفسهم فأجهشو بالبكاء
تصفيق
تصفيييق
تصفيييييق
2009
2009
2009
شيء كبير
Vraiment
شيء كبير
أجواء تعمل الكيف
ناس شايخة و فرحانة و زاهية
تجمعات و لمات
عياط و صياح
دعاء وابتهالات
غناء وإحتفالات
تصفيق وتبندير
تطبيل وتزغريد
و الجو و الجو و الجو
و الفرحة و الفرحة و الفرحة
شلغمي بطولو بطلطولو يهبط فيهم حيار بالفرحة
صغار و كبار باش يخرجوا من قشرتهم بالفرحة
حتى هو حدث تاريخي كبير...ما توقعو حد
موش ساهل زادة الواحد بعد 22 سنة ياخو قرار كيما هذا
و يزيد يعاود
و الضحك و الضحك و الضحك
الناس باش تبول في سراولها بالضحك
الناس شادة جنابها من كثرة الضحك
عمري ما كنت نتصور في تونس نجمو نظمو أجواء متاع فرح كيما هكا
الحق شيء خااارق للعادة
حتى من هاك القورة ماهم فاهمين شيء
قعدو باهتين كاشخين في عجب ربي
تي بربي يمشيوو يزمرو...موش ساهل إن ترجمولهم إلي صاير...
هذا جونا...متاعنا...دولابنا
نداءات مليئة بالإمتنان والفخر
مناشدات بتجديد عهد الولاء والوفاء
جمعيات...نقابات...صحافة...قاريين...حارقين...بطالة...مزمرين...لا باس عليهم...خوانجية...سوكارجية
مبصرين و مكفوفين
كلو على بعضو
كل شرائح المجتمع المدني تمارس في حرية التعبير
التعبير عن مشاعرهم الفياضة و النبيلة والجياشة والعفوية الصادقة
التعبير عن احاسيسهم الرقيقه و المرهفه
عن فخرهم و امتنانهم و ولائهم
حتى أنا ما فقتش بروحي
ما نجمتش نشد روحي
تطرشقت بالبكاء
كي شفت أجواء الفرحة العارمة
كل المشاعر المتدفقة القوية و النزيهة
مخ راسي حطيتو بالبكاء
موش عوايدي
وليت نخاف نحل التلفزة , و نتفرج على الجموع و الحشود الموالية....لا تجيني البكية
نخاف نخرج للشارع و نشوف اللافتات و الألوان القزوردية تشدني الشهقة و الغصة
نرعش من حلان الراديو لا نطرشق قدام العباد و تولي الدموع هابطة وحدها
ملا جو
ملا فرحة
ملا تونس
و أسدل الستار
و لم يتمالك الحاضرون أنفسهم فأجهشو بالبكاء
تصفيق
تصفيييق
تصفيييييق
2009
2009
2009
8 commentaires:
on dirait un texte de Kamel Touati:)
هههههههههه يا دوف خوضتها راك
أنا من قراية تدوينتك بركة شدّتني عُبرة البكا خلّي كان شفت الّي شفته أنت راني طحت ما في عيني بَلّة و هوما يرشّو في بماء البنفسج آه يا ربّي بماء الزّهر
الحقّ الحقّ الفرحة هذه قويّة على أصحاب النفوس الضعيفة
Nemella
Oui c'est plutôt dans le style de Taoufik El Jebali
Marhba bik
فررر و ولادة
ههه... أهلا بكم...هذي خوضة الفرحة ... يلزمها ڨليب صحيح :)
اليوم الفجر حليت الفايسبوك شعرة لا متت بالحق. نضحك بالساكت شعرة لا تخنقت
قالك فتنا التاييد و الاستبشار.
ولينا في المبايعة المطلقة للقائد و المعلم وشد عندك الاخرانية...الملهم
ابَيْ! ولا حافظ الاسد ولا صدام حسين في زمانهم.
اش خليتلهم يا دوفيتش؟؟؟هههههههههههه الله يهديك (و الجو و الجو و الجو
و الفرحة و الفرحة و الفرحة
)ـ
مرحبا بنت عايلة
تي مالا وينك يا بنتي...معادش نستغرب عن قريب ينصبولنا تمثال وسط البلاد
بالك في العيد ميلاد الجاي هه
لاعب النرد
هكا نعيشو صاحبي ... شايخين وفرحانين وزاهيين...والضحك والضحك والضحك من فوق
:)
Enregistrer un commentaire