web 2.0

vendredi 2 octobre 2009

رجع الماتش

الأخبار

تشششششششش

وتلقى الرئيس زين العابدين بن علي على إثر ترشحه للإنتخابات الرئاسية القادمة مجموعة من بيانات وبرقيات المساندة من مكونات المجتمع المدني ضمنها باعثوها كل فخرهم برؤيته السديدة وقراراته الحكيمة وتوجهاته السليمة وقيادته الرائدة وخياراته الصائبة وسياسته الحكيمة والرشيدة

رجع الماتش رجع الماتش

تشششششششش


12 دقيقة لعب في الشوط الثاني والنتيجة لا تزال التعادل صفر لصفر بين الفريقين...
الكرة تعود لفريق المدونين... وسط الميدان ثما عاشور الناجي... لاعب محترف وصاحب خبرة كبيرة... فعال جدا هذا اللاعب في التصدي لأفكار الظلام والتحرر من الأوهام والخرافات... عاشور يمرر الكرة... شكون معاه؟... براستوس على الجناح الأيمن يطلب الكرة... براستوس ياخو الكرة بحركة فنية على أنغام موسيقية... براستوس يراوغ... يحافظ على كرتو و يحاول يتوغل... متألق هذا اللاعب في كل الميادين...
براستوس يمرر الكرة أرضية لآرتيكولر... قدرات فنية ومهارات فائقة عند هذا اللاعب رغم صغر سنه... يسدد آرتي... لكن الكرة بعيدة عن المرمى... وركنية تصفرها الحكم(ة) ولادة... حكمة لأول مرة في تاريخ كرة القدم من جنس نسائي

ركنية لصالح فريق المدونين... من الدفاع يتقدم اللاعب بيغ تراب بوي... معروف بنقراتو الرأسية ومهارات عالية في تحويل النتيجة

في تنفيذ الركنية، فيلسوف الميدان اللاعب عياش من المرسى... عياش يوزااااااااااع... وووو الكرة تعود إلى وسط الميدان

ترجع الكرة إلى الظهير الأيسر... إلى حد الآن الأمور ثابتة بعد 15 دقيقة لعب... خميس الباندي يمرر... الكرة في العمق... عند الحلاج... الحلاج يتقدم... ممتاز جدا... معاه على اليسار ميتاليستك... لاعب من فولاذ... الكرة تصل إلى العياش... يتواصل الحوار ثنائي بين العياش والأنونيم... يحاول العياش أن يرسم في إتجاه مرمى المنافس خطى تمكنه من استحضار مختلف المداخل و الاتجاهات الممكنة لبناء إستراتيجية ذات علاقة مع المقوم المنهجي داخل الميدان الفلسفي... حوار فلسفي معقد حقيقة لكن متميز... العياش يمرر كورتو للاعب فررر صاحب المطرقة الحديدية والتسديدات العميقة... نشيط جدا هذا اللاعب في الوسط ومهارات عالية في إستغلال الفجوات... ممتاااز الفررر... ممتاز ... الفرر وجها لوجه مع حارس المرمى... وووو يسدد

تشششششششش

حان الآن موعد صلاة العصر حسب التوقيت المحلى لمدينة تونس وضواحيها... حي على الصلاة حي على الفلاح... حي على الفلاح

7 commentaires:

ferrrrr a dit…

خوّضتها كالعادة هههههه

خـمـيّـس بـانـدي a dit…

تي علاه هكّه !!!! رجّع الماتش يكون منّك ... و عدّيلهم هاك البلاكة ماللوطى ... فيسع خلّي نشوف الفررررر مركى ولاّ لا ... تي فيسع !

هههه ! يا بليد يا دوفيتش ... يرحم والديك في هالضّحكة عالصّباح

Dovitch a dit…

فررر، خميس

تدوينة متاع كبت :)
شكرا على مروركم ... يكثر خيركم وتعليقاتكم وزياراتكم هههه

Nomade a dit…

آني ـ كأي متفرّج يخصال روحو الممرّن ـ نحتجّ !
تي هبّط لعّب البنات! وين النّساء ؟
و حينها أضع سبّابتي على صُدغي و أتوسّلك : "بربّي رجّع الماتش"

ما أقواك يا دوفيتش

:)

Dovitch a dit…

أهلا نوماد
بكل لغة خشبية حبيت نقلك إلي المكاسب النسائية في مدونة دوفيتش في مجال الحقوق الرياضية قد تدعمت في ظل القيادة الرائدة والحكيمة لشخصي المتواضع إستنادا الى جملة من ثوابتنا ومن أهمها التمسك بقيم التكوير الحر والتحكيم العادل والحرية في تمرير الكرة فوق الميدان و تدعيم العقلية الإنتصارية والروح الرياضية والالتزام بمناصرة حقوق المرأة وانسجامها الكلي في المجال الرياضي باعتبارها وجها من وجوه الحداثة وشريكا كفوءا على ارضية الميدان...

وبالطبيعة المرة الجاية توا نهبط النساء تلعب تماشيا مع سياسة المراحل للنهوض بالقطاع الرياضي النسائي في مدونتي
:)
شكرا على مرورك

brastos a dit…

ما تقولش شبيه ضحك توّ على حكاية عندها اكثر من شهرين
توّ وين قريت هالماتش
اما انا كي نتخيّل في روحي نكوّر هكاكه .. شخت بالضحك .. على خاطر خوك كعبه لا في الفوت
هههه

Dovitch a dit…

ههه أهلا براستوس ...مرحبا بيك في كل وقت...يمشيشي في بالك إلي أنا نفهملها في الكورة ...موش جوي
هذاكا علاش ما هبطش نلعب
:)

Enregistrer un commentaire